Cunferenza di Stampa

[SCELTA PARA] Cunferenza di Stampa U GHJOVI 21 APRILE di u 2011

Muvimentu indipendentistu è rivuluziunariu SCELTA PARA prisintarà una lista pà l’elezzione di a siconda CUNSULTA NAZIUNALE. À dilla franca hè una cosa naturale par noi, patriotti corsi, di participà à dà una legitimità sempre più forte à a nostra CUNSULTA. Vulemu, cù a nostra participazione, non solu esse candidati à un’ elezzione, ma sopratuttu aiutà à i primi passi di a demucrazia corsa cum’è no a vulemu. Oghje chì hè oghje a legalità culuniale hè una rialità arrimbata à forze di ripressione, à un clanisimu sempre cusì putente è dannosu pà u nostru paese, ma dinò à una culunizazione di pupulamentu cunsidarata cum’è arma di prima trinca da u sistema culuniale. Oghje chì hè oghje a legalità culuniale hè una rialità arrimbata à forze di ripressione, à un clanisimu sempre cusì putente è dannosu pà u nostru paese, ma dinò à una culunizazione di pupulamentu cunsidarata cum’è arma di prima trinca da u sistema culuniale. À noi ci tocca à opponeli à ligitimità di u populu corsu storicu. U spaziu di a CUNSULTA NAZIUNALE ùn hè « un altru partitu », hè u mezu è a tempu a raghjò di a nostra lotta. Hè l’elementu strategicu chì darà una raprisentazione pulitica à a Nazione Corsa in lotta. Sta raprisentazione naziunale sarà dumane quella chì farà i niguziati cù u Statu Francese pà mette in anda u prucessu d’Autodeterminazione.

Cù CUNSULTA NAZIUNALE hè a Demucrazia Corsa chì sbuccia.

Hè capita chì ne semu à sicutera, ma hè ciò chì face u valore di u nostru impegnu. Sapemu chì a Nazione si custruisce pianu pianu, è st’elezzione face francà una tappa nova à a so custruzzione.

Chjamemu ogni patriotta, ogni patriottu à scrivesi nantu à u listinu di a CUNSULTA.

Chjamemu à tutt’ognunu à participà à e vutazione chì ghjè un duvere pà chì tene cara a so Patria.

Chjamemu tutti i patriotti cunvinti chì ùn ci pò esse liberazione naziunale vera senza liberazione suciale à vutà è à sustene a lista SCELTA PARA. [Seguità]